Predsjednik Odbora direktora gradskog preduzeća „Čistoća“ Milan Vukadinović našao je jutros na svom vozilu prijeteću poruku. Slučaj je prijavio policiji.
Kako je kazao Portalu RTCG na šoferšajbni ispod brisača našao je papir sa porukom „Pazi šta radiš Vukadinoviću“ i odmah je kontaktirao policiju i podnio prijavu.
Objasnio je da je jutros oko 9.30 krenuo da uđe u svoje vozilo koje je noć ranije parkirao u Aerodromskoj ulici na unutrašnjem parkingu, a onda primijetio poruku ispod brisača.
Vukadinović je, inače, prethodnih dana izvještavao o nezakonitom radu i malverzacijama bivšeg rukovodstva tog gradskog preduzeća.
Upozoravao je na to da je bivša administracija „Čistoće“ na čelu sa Andrijom Čađenovićem (DPS) i bivšim Odborom direktora, izvršila niz krivičnih djela i napravili veliku materijalnu štetu ovom privrednom društvu, a sebi i sebi bliskim licima pribavili imovinsku korist.
pogled.me